Cater２ 重聚

中等身形、中间分界、一脸暗疮疤。

    突然遇上旧同学，我有点愣然，问道：「欸！咁齐人，去边度威？」

    陆永祥道：「咩啊!今日４Ｄ班旧同学聚会，系中港城订咗一围食饭。」

    「系咩！有啲咁嘅事？」

    陈依官道：「通知晒咁多个旧同学喎！」

    「我无收到任何通知喎！」

    林海原道：「应该系姚少通知你嗰喎！」

    我望向姚智风，他尴尬地笑了笑：「ＳOＲＲＹ，我唔记得咗。」

    郭左杰笑道:「唔怪之得啦！搵个最无记X嘅人去约人，实有闪失啦！」

    陈依官道：「唔紧要啦！咁啱撞到，一齐去啦！」

    我推搪道：「吓！唔系咁好喎！临时加入，你地订晒位。」

    「怕咩喔！多一个唔惊嘅！」霍去登搭着我的肩膀道。

    「咁，有啲咩人去？」我道。

    「去到你咪知罗，大鸠志！」郭左杰道。

    我无奈地跟他们去了参加旧同学聚会，我们一行七人是最早到达会场的，其他人还未到。

    我与他们寒暄数句，郭左杰原来已经有一子一nV，现在当厨师，买了间五百尺居屋；但他觉得太少，不够用，他问道：「系呢，你结婚未？」

    我尴尬一笑，道：「未，连nV都未有。」

    「吓！依度都你同阿原未结婚。」